یہ دو سالہ مکمل نصاب ہے اس کی تکمیل کرنے والوں کو فاضل باقوی کی سند دی جاتی ہے ،کتب صحاح ستہ کے ساتھ ساتھ مؤطا امام مالک اور شرح معانی الآثار بھی پڑھائی جاتی ہیں نیز منقولات کے علاوہ معقولات کی کتابیں بھی اہمیت کے ساتھ پڑھائی جاتی ہیں ، ہمارے جامعہ کے سات سالہ نصاب کے مطابق کتابیں پڑھ چکنے کے بعد ہی  (داخلی امتحانات میں کامیابی کے بعد )طلباء کو داخلہ دیا جاتا ہے

یہ ایک سات سالہ نصاب ہے ، اس کی تکمیل کے بعد عالم باقوی کی سند ملتی ہے ،تفسیر ، حدیث ،فقہ اور ان کے اصول ، عربی ادب ،حساب اور میراث کے اصول وقواعدسے متعلق کتابیں نصاب میں داخل ہیں ،ہمارے جامعہ کے چھے سالہ نصاب کے مطابق  کتابیں پڑھ چکنے کے بعد ہی تکمیل کے بعد ہی طلباء کو داخلہ دیا جاتا ہے

فقہ حنفی  شافعی کی مشہور و معروف بنیادی کتابیں پڑھائی جاتی ہیں جو قضاوت و افتاءسے متعلق ہیں ،ہمارے جامعہ میں مختصر یا مطول سے فارغ شدہ طلباء ہی اس شعبہ میں داخل کئے جاتے ہیں

قرآن مجید کو سمجھ کر فن قرآت کے اصول کے مطابق خوبصورت آواز میں تجویداوراختلاف قرآت کے ساتھ تلاوت کرنے والے طلباء کو تیار کرانا ہی اس شعبہ کے قیام کا مقصد ہے ، ہمارے جامعہ کے سند یافتہ اور دوسرے مدارس کے سند یافتہ طلباء ہی اس شعبہ میں داخل کئے جاتےہیں ،ہاں البتہ ایک شرط ضرور رکھی گئی ہے کہ وہ طلباء سات سالہ نصاب مکمل کئے ہوئے ہوں